Басқарушы құрамы
Құрманов Бауыржан Көптлеуұлы – Бас директор
Ол стратегиялық басымдықтарды іске асыруға, соның ішінде заманауи технологияларды енгізуге, жұмыс процестерін жетілдіруге және тұрақты өсуді қамтамасыз етуге баса назар аударады.
«OPTIMUM» жобалау институты» ЖШС-не келгенге дейін ғылыми және технологиялық ұйымдарда басшылық лауазымдарды атқарды: Ионосфера институтын басқарды, Ұлттық ғарыштық зерттеулер мен технологиялар орталығында даму мәселелеріне жауап берді, Leica Geosystems Kazakhstan компаниясында жобаларға жетекшілік етті және Payda Innovations IT-компаниясының Бас директоры болып жұмыс істеді. Мұндай тәжірибе оған жобаларды басқару, инновациялар және тиімді командалар құру саласында кең құзыреттілік қалыптастыруға мүмкіндік берді.
Өзінің көпбейінді сараптамасының арқасында ол озық тәсілдер мен басқарушылық тәжірибелерді енгізе отырып, институтты дамытуда, бұл компанияның қарқынды өсуіне және нарықтағы позициясын нығайтуға ықпал етеді.
Карайдарова Айнұр Нұрғабылқызы – Бас директордың ғылым жөніндегі орынбасары
Өзінің кәсіби қызметін геофизика және игеру қызметінің маманы лауазымынан бастап, «OPTIMUM» жобалау институты» ЖШС мұнай және газ кен орындарын игеру қызметінің басшысына дейінгі жолдан өтті.
Ол мұнай және газ кен орындарын игеруге арналған көптеген жобалау құжаттарының және қорларды есептеуге арналған техникалық-экономикалық негіздеме (ТЭН) бойынша есептердің авторы болып табылады. Барлық жобалар Қазақстан Республикасы Энергетика министрлігінің Мұнай және газ кен орындарын барлау және игеру жөніндегі орталық комиссиясының (ОБИК) отырыстарында сәтті қорғалды.
Оның кәсіби және тұлғалық қасиеттерінің ішінде мыналарды атап өтуге болады: жағдайды тез бағдарлай білу және оңтайлы шешімдер қабылдау қабілеті, ұйымдастырушылық қабілеті, келіссөздер жүргізе білуі, нәтижеге бағыттылық, коммуникабельділік және командада жұмыс істей білуі. Түрлі ведомстволық марапаттармен және алғыс хаттармен марапатталған.
Ильясов Ғибрат Сәбитұлы – Бас директордың жобалау жөніндегі орынбасары
2018 жылдың қыркүйегінен бастап компанияда қызмет етеді, аға маманнан бастап қазіргі лауазымға дейінгі еңбек жолынан өтті.
Ол жобалау шешімдерінің жоғары деңгейін қамтамасыз етуге, озық цифрлық технологияларды енгізуге және процестердің тиімділігін арттыруға баса назар аударады. Бұған дейін технологиялық топты басқарды, BIM Lab жетекшісі болды және Жобалардың бас инженері лауазымын атқарды.
Мұнай-газ саласы нысандарын жобалауда 13 жылдық тәжірибесі бар, атап айтқанда Құл-Бас, Шағырлы-Шөмішті, Тасболат, Арыстановское, Долинное, Ақсаз, Күлжан, Қаражанбас, Чинаревское, Кәриман және басқа да кен орындары үшін жобалау және атқарушылық құжаттаманың технологиялық бөлімін әзірлеуге тікелей қатысты.
Инженерлік терең білімі мен күрделі жобаларды басқару дағдыларын ұштастыра отырып, аммиак-карбамид кешені бойынша FEED жобасына елеулі үлес қосты. Мұндай тәжірибе «OPTIMUM» жобалау институтына» жобалау саласында бәсекелестік артықшылықтар береді және компанияның нарықтағы позициясын нығайтады.